په ننګرهار کې د محافظوي دیوال د جوړولو کار روان دی
د کلیو بیا رغونې او پرمختیا وزارت د سیمه ییز پروګرام له لوري د نږدې ۳۴ میلیونه افغانیو په ارزښت د ننګرهار ولایت د هسکې مینې ولسوالۍ په ګاڼې کلي کې د ۱۰۶۰ مترو په اوږدوالي د محافظوي دیوال د جوړولو کار ۷۰ سلنه مخ ته تللی دی.
د یادې پروژې د تطبیق پر مهال ۷۰۰۰ کاري ورځې رامنځته کیږي چې په بشپړیدو به یې ۴۰۰۰ ځايي اوسیدونکي ترې ګټه پورته کړي.
د یادونې وړ ده چې د دغې پروژې په بشپړیدو به د سیمې ۱۰۰ جریبه کرنیزه ځمکه د سیلابونو له ګواښ څخه خوندي شي.
