په ننګرهار کې دیوه سړک د جوړیدو چارې پای ته نږدې شوي دي
د کلیو بیارغونې او پراختیا وزارت د سیمه پراختیا پروګرام(Regional Program) لوری دننګرهار ولایت د کوز کونړ ولسوالۍ په خرم کلي کې د څه د پاسه درې کیلومتره په اوږدوالي او ۴ متره پلنوالي په لرلو سره یو سړک او نور اړین ساختمانونه په کانکړیټي بڼه جوړیږي.
یاد سړک چې د کلیو بیارغونې او پراختیا وزارت له بودیجې څخه د ۲۳ میلونه افغانیو په لګښت په کانکریټي ډول جوړیږي، اوس مهال یې د جوړیدو چارې مخ په بشپړیدو دي.
دغه سړک د کوز کونړ ولسوالۍ ۶ کلي یو له بل سره نښلوي چې نږدې ۳۰۰۰ کورنیو ته ترانسپورتي او دغه راز د ځمکو د حاصلاتو لیږد لپاره سهولتونه رامنځ ته کوي.
