په ننګرهار او کندهار ولایتونو کې ۶۳۰ تنو زده کوونکو ته وړ درسي چاپیریال رامنځ ته شو
د کلیو بیا رغونې او پراختیا وزارت د ولسي تړون ملي پروګرام د اقرا پروژې تر سیوري لاندې د کندهار ولایت د تخته پل ولسوالۍ په ماکوان کلي او د ننګرهار ولایت د کوز کونړ ولسوالۍ په ګرمیلي کلي کې د دوو ښوونځيو د ودانیو په جوړولو سره ۶۳۰ تنه زده کوونکو ته د ښوونې او روزنې وړ چاپیریال رامنځ ته شو.
دا ښوونځي ۸ او ۶ ټولګي، تشنابونه، او د څښاک د اوبو څاه ګانې لري چې د جوړولو په ترڅ کې یې تخنیکي او نا تخنیکي کارګرو ته ۵۳۲۴ کاري ورځې رامنځ ته شوې وې.
سربیره پر یادو ښوونځيو د زابل ولایت په شملزو، ارغنداب، او نو بهار ولسوالیو کې د دريو ښوونځيو د ودانیو جوړولو کار هم پای ته نږدې دی چې ډیر ژر به ګټې اخیستنې ته وسپارل شي او ۱۰۰۰ تنه زده کونکو ته به د زده کړې وړ چاپیریال رامنځ ته کړي.
