په میدان وردګ کې د ١.٨ میلیونو افغانیو په ارزښت د اوبو یو کانال ګټې اخیستنې ته وسپارل شو
د کلیو بیارغونې او پراختیا وزارت د ولسي تړون ملي پروګرام له لوري د میدان وردګ ولایت د جلریز ولسوالۍ په موسی خیلو کلي کې د ١.٨ میلیونو افغانیو په ارزښت د کرنیزو ځمکو خړوبولو په موخه د اوبو ٣٠٢ متره اوږد کانال او ٧ د اوبو ورخونه جوړ او ګټې اخیستنې ته وسپارل شول.
ددې کانال په جوړیدو سره ١٢٥ جریبه کرنیزه ځمکه د اوبو لګولو تر منظم پوښښ لاندې راغلې ده.
د یادونې وړ ده، چې د دې پروژې په ترڅ کې د سیمې ١١٣٠ تنو تخنیکي او ناتخنیکي کارکونکو ته د کار زمینه هم برابره شوې ده.
