په میدان وردګو کې د ۱.۷میلیونو افغانیو په ارزښت د یو کاریز د جوړولو او پاکولو تړون لاسلیک شو.
د کلیو بیا رغونې او پرختیا وزارت د سیمه ییزو پروګرامونو د همغږی دفتر له لوري د میدان وردګو ولایت د سیداباد ولسوالۍ په مورو سیمه کې ۱.۷ میلیونو افغانیو په ارزښت د کرنیزو ځمکو د خړوبولو په موخه د ٣٤٦ مترو په اوږدوالي د یوه کاریز د جوړولو او پاکولو تړون له کمال خېلو پراختیایي شورا سره د کلیو بیارغونې او پراختیا ریاست سرپرست ریس انجنیر ریاض احمد خلیل د میدان وردګو د والي عبدالرحمن طارق په حضور کې لاسلیک کړ.
نوموړې پروژه د یو کال په موده کې به بشپړه شي، چې د سیمې ګڼ شمېر اوسیدونکو ته به د کار زمینې برابرې شي او ددې ترڅنګ به د یادې سیمې شاوخوا ١٥٠ جریبه کرنیزه ځمکه خړوبه کړي.
