په میدان وردګو کې د څه باندې ۵.۴ میلیونو افغانیو په ارزښت دوه پروژې ګټې اخیستنې ته وسپارل شوې
د کلیو بیارغونې او پراختیا وزارت د اوبو رسولو، روغتیاساتنې او اوبو لګولو ملي پروګرام له لوري د میدان وردګو ولایت د لومړۍ حصه بهسودو ولسوالۍ په قل چکر سیمه کې د څه باندې ۵.۴ میلیونو افغانیو په ارزښت د کرنیزو ځمکو د خړوبولو په موخه دوه حلقې ژورې څاګانې، چې په لمریزې برېښنا هم سمبالې وې، ګټې اخیستنې ته وسپارل شوې.
نوموړې پروژې د سیمې ګڼو اوسیدونکو ته کاري زمینې رامنځته کړې او د سیمې ۱۰۰ جریبه کرنیزه ځمکه یې د اوبو د منظم خړوب څخه برخمنه کړې ده.
