په لغمان کې د ۹.۸ میلیونه افغانیو په لګښت د اوبو لګولو د سربند او کانال د جوړولو کار روان دی
په لغمان ولایت کې د کلیو د بیا رغونې او پراختیا وزارت د سیمه ییز پروګرام له لوري د ۹.۸ میلیونه افغانیو په ارزښت د اوبو لګولو د سربند او کانال د جوړولو کار د پرمختګ په حال کې دی. د دغې پروژې په ترڅ کې د یاد ولایت په مرکز پورې اړونده سیمه قلاچه علیشنګ کلي کې له معیارونو سره سم د اوبو لګولو پوخ سربند او کانال د جوړیدو په حال کې دی چې ۵۰ سلنه کاري پرمختګ لري. د یادې پروژې د تطبیق پر مهال به چې له ملي بودیجې تمویل شوې ۵۶۴۶ کاري ورځې رامنځته شي او په بشپړیدو به یې د سیمې ۲۱۰۰۰ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به هلته د ځايي بزګرانو لسګونه جریبه کرهڼیزه ځمکه او باغونه د اوبو لګولو تر منظم پوښښ لاندې راشي.
