په لغمان کې د ۳۳ ميليونه افغانیو په ارزښت د دوو سړکونو د جوړولو هوکړه لیکونه لاسلیک شول
د کلیو بیارغونې او پراختیا وزارت د کلیوالي سړکونو د جوړولو ملي پروګرام له لوري د لغمان په مرکز کې د ۱،۷ کیلومتره سړک او د قرغه په ولسوالۍ کې د ۱،۹ کلیومتره سړکونو هوکړه لیکونه، چې ۳۳ ميليونه افغانۍ لګښت پرې راځي، د لغمان ولایتي ریاست له لوري د پرمختیايي شوراګانو له استازو سره لاسلیک شول.
د دې سړکونو په جوړیدو سره به د دې سېمې د خلکو زیاتې ستونزې حل شي او خپل محصولات به په وخت بازار ته ورسوي، چې د دوی په ژوند مثبت تغییر لري.
