په لغمان کې د کلیوالي اقتصاد د پیاوړتیا ملي پروګرام د فعالیتونو بهیر
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام له لوري د لغمان ولایت په مرکز او قرغیو ولسوالۍ کې په ۱۰۸ پرمختیایې شوراګانو کې ۸۳۱ سپما ګروپونه جوړ کړي دي .
د دې ګروپونو څخه تر اوسه د پور او سپما ۳۸ کلیوالي اتحادیې جوړې شوې او ټاکل شوې ده، چې یادو اتحادیو ته به د پروګرام له خوا ځانګړې بلاعوضه مرستې د لیږد په موخه به ډېر ژر بانکي حسابونه پرانستل شي.
د یادونې وړ ده، چې د پروګرام ګټه اخیستونکو ته په لغمان ولایت کې د پروګرام له خوا په مختلفو برخو، لکه: د سپما ارزښت، کتابدارۍ او په ګروپ کې د غړیتوب د ترلاسه کولو په اړه روزنې تر لاسه کړې. همدا راز یادو سپما ګروپونو تر اوسه څه باندې ۲ میلیونه افغانۍ هم سپمولې، چې له ګروپونو څخه یې د پورونو په تر لاسه کولو سره کوچني او منځني کاروبارونه د کلي په کچه پيل کړي دي.
