په فاریاب ولایت کې څه باندې د ۱.۴ ملیونه افغانیو په ارزښت د څښاک د پاکو اوبو د یوې شبکې د جوړولو کار بشپړ شو
د کلیو د بیا رغونې او پراختیا وزارت د ولسي تړون ملي پروګرام له لوري څه باندې د ۱.۴ ملیونه افغانیو په ارزښت د څښاک د پاکو اوبو د یوې شبکې د جوړولو کار د فاریاب ولایت د اندخوی ولسوالۍاړوند د حاجي حبیب الله کلي د پراختیایي شورا لخوا بشپړ او ګټې اخیستنې ته وسپارل شو. د څښاک د پاکو اوبو دغه شبکه ۱۱۰۰ متره اوږدوالی، د اوبو یوه اوسپنیزه کانکریټي ارتفاعي زیرمه، ۱ څاه او ۶ نلکو لرونکې ده. د یادونې وړ ده چې د دغې پروژې د کار په بهیر کې ماهرو او غیرو ماهرو کاریګروته ۷۰۰ کاري ورځې برابرې شوې اوله بشپړیدو وروسته به یې ۷۰ کورنۍ د څښاک له پاکو اوبو څخه ګټه پورته کړي.
