په غور کې د ۳ کیلو متره سړک جوړولو او کریړولو کار روان دی
د کلیو بیا رغونې او پراختیا وزارت د سیمه ییزو پروګرامونو همغږۍ دفتر له خوا د غور ولایت د لعل و سرجنګل ولسوالۍ په منجوی کلي کې د ۳ کیلو متره سړک د جوړولو او کریړولو کار ۱۵ سلنه پر مخ تللی.
د دې پروژې په ترڅ کې ۴۳۶۳ کاري ورځې رامنځ ته شوي او په بشپړتیا سره به یې ۴۱۰۱ تنه سیمه ییز وګړي له ګټو برخمن شي.
یاده دې وي چې په دې سړک سره به د سیمې د خلکو ترانسپورتي ستونزې تر ډیره هوارې شي او کروندګر به وتوانیږي چې خپل کرنیز محصولات په لنډ وخت کې د خرڅلاو بازارونو ته ولیږدوي.
