په غزني کې ۱۴۰۰ کورنیو ته د څښلو پاکې اوبه برابرې شوې
د کلیو د بیارغونې او پراختیا وزارت په کلیوالي سیمو کې د اوبو رسولو، روغتیاساتنې او اوبو لګولو د ملي پروګرام له لوري د غزني ولایت د جاغوریو ولسوالۍ په بېلا بېلو کلیو کې د څښلو د اوبو ۶۵ څاه ګانې جوړې او د خلکو ګټې اخیستنې ته وسپارل شوې.
په دغو څاه ګانو باندې ټولټال ۱۱،۶۶۹،۵۰۰) افغانۍ لګښت راغی چې د دولت له بودجې څخه ورکړل شوې.
د یادو شویو څاه ګانو د جوړولو په چارو کې د ځايي خلکو لپاره ۳۹۰ کاري ورځې ایجاد شوې او په بشپړېدو سره یې څه باندې ۱۴۰۰ کورنیو ته د څښلو پاکې اوبه برابرې شوې.
