په سمنګان کې ۱۶۲ کلیوالي کورنیو ته د څښاک پاکې اوبه برابرې شوې
د کلیود بیارغونې او پراختیا وزارت د ولسي تړون ملي پروګرام له خوا د۲.۱ میلیونه افغانیو په لګښت ۱۶۲ کلیوالو کورنیو ته د سمنګان ولایت د حضرت سلطان ولسوالۍ اړوند په سنګر خیلو کلي کې د څښاک پاکو اوبو ته د لاسرسي زمینه برابره شوه. نوموړې شبکه ۱۵۵۰ متره اوږدوالی، ۲۰ مکعبه متره یوه ارتفاعي زیرمه او یوه ژوره څاه لري. دغه شبکي ته ۱۰ نلکې هم جوړې شویدي.
د دغه پروژې د کار په بهیر کی ماهرو او غیرو ماهرو کاریګرو ته ۴۱۵ کاري ورځې را منځته شوېدي او د جوړیدو کار یې بشپړشوی دی.
