په سمنګانو ولایت کې د ۵ میلیونه افغانیو په ارزښت د یوه کیبلي پله د جوړولو کار بشپړ شو
د کلیو بیارغونې او پراختیا وزارت د ولسي تړون ملي پروګرام له لوري د سمنګانو ولایت دخرم اوسارباغ ولسوالۍ اړوند په چهارسنگ او کنده کلان کلي کې د څه باندې ۵ میلیونه افغانیو په لګښت د یوه کیبلي پله د جوړولو کار بشپړ او ګټې اخیستنې ته وسپارل شو. چې ۴۰ متره اوږدوالی او۱.۵ متر پلنوالی لري، په دي پروژه کې د۸۰ مترو په اوږدوالي اود ۲.۵ مترو په لوړوالی د یوه محافظوي دیوال جوړول هم شامل دي .
د یادونې وړده چې د دې پروژي په بشپړیدو سره به د نوموړي کلي د اوسیدونکو ترانسپورتې ستونزي حل شي اوهغوی به وکولای شي څو خپل کرنیز محصولات په ډیره هوساینه د ولسوالۍ بازارته د پلورلو لپاره ولیږدوي او همدارنګه د ښونځی زده کوونکو او ناروغانو ته روغتون ته په تګ راتګ کې هم هوساینه برابریږي.
