په سرپل کې د ۶.۸ میلیونه افغانیو په ارزښت درې پرمختیایي پروژې پیل شوې
د کلیو بیارغونې او پراختیا وزارت د اوبورسولو او کلیوالې حفظ الصحې پروګرام له لوري دیونیسیف نړیوالې موسسې په مالي مرسته د سرپل ولایت په مرکز کې د ۶.۸ میلیونه افغانیو په ارزښت درې پرمختیایي پروژې پیل شوې.
په دې پروژو کې د سرپل د مرکز په يوه ښوونځي کې د يوې ژورې څاه کیندل او د یوې اوسپنیزې کانکریټې زیرمې جوړول، په خارکش کلي کې د اوبو رسولو د یوې شبکې جوړول او دیوه ښوونځي د زده کوونکو لپاره د مبرز جوړول شامل دي. چې په بشپړیدو به یې ۳۵۰ کورنۍ او ۳۰۰۰ زده کوونکي ترې ګټه پورته کړي.
