په زابل کې د اوبو لګولو کاریز د جوړولو د بنسټ ډبره کیښودل شوه
د کلیو بیا رغونې او پراختیا وزارت د سیمه ییز پروګرام له لوري د زابل ولایت په مرکز پورې اړونده سیمه ناصرانو کلي کې د نږدې ۲ میلیونه افغانیو په ارزښت د اوبو لګولو د کاریز څاه ګانې او د ۱۱۰۰ مترو په اوږدوالي کروندو ته د اوبو رسوونکی کانال جوړیږي.
د دغې پروژې د تطبیق پر مهال به ۹۰۶ کاري ورځې رامنځته شي او ځايي ۲۱۰ اوسیدونکي به نیغ په نیغه ترې ګټه پورته کړي. دغه پروژه به په سیمه کې جریبونه کرنیزه ځمکه د اوبو لګولو تر منظم پوښښ لاندې راولي.
