په تخار کې له ۱۹۸ کورنیو سره د۴۷۶زره افغانیو په ارزښت خوراکي او غیر خوراکي مرستې وشوې

د کلیو بیارغونې او پراختیا وزارت دولسي تړون ملي پروګرام دغلو دانو دبانکونو له لوري د تخار ولایت د مرکز اړوند په مسجد تقوا زرګري بالا، شاه بای ګلیدي، ګاو مالي، بابه خان پهلوان، یوسف علي،مسجد اعظم سنګتراش اوامام ابو داود تالقان  کې له ۱۹۸ اړو کورنیو سره د۴۷۶زره افغانیو په ارزښت خوراکي او غیر خوراکي مرستې وشوې.

 دا مرستې چې اوړه، غوړي، وریجې، بوره، چای، صابون او نور مواد په کې وو،د ټولنیز ګډون لپاره دمالي وجهي پروګرام (SIG) اوکلوالو له اړخه وړاندې شوې.