په تخار کې د ۲ میلیونه افغانیو په لګښت د ۱۶۰ متره محافظتي دیوال کار بشپړ شو
د کلیو بیا رغونې او پراختیا وزارت د سیمه ییز پروګرام له لوري د تخار ولایت د فرخار ولسوالۍ په جنګل ګزای کلي کې د څه باندې ۲ میلیونه افغانیو په لګښت د ۱۶۰ متره محافظتي دیوال کار بشپړ او ګټه اخیستنې ته وسپارل شو.
د دې پروژې په ترڅ کې ۱۳۴۸ کاري ورځې رامنځ ته شوې وې او تر بشپړتیا وروسته یې ۱۴۲۲ تنه سیمه ییز وګړي له ګټو برخمن شول.
یاده دې وي چې ددې دیوال په جوړیدو سره سلګونه جریبه کرنیزه ځمکه او سلګونه د اوسیدو کورونه د سیلابونو له ګواښه خوندي شول.
