په تخار کې د ۱۰۷ میلیونه افغانیو په ارزښت د جوی شیخ اتصالي سړک کار بشپړ شو
د کلیو بیا رغونې او پراختیا وزارت د لار جوړونې د ملي پروګرام له لوري د ۱۰۷ میلیونه افغانیو په ارزښت د تخار د مرکز اړوند د تالقانو په جوی شیخ کې د ۱۷۵ متره پل او د هغه د اتصالي سړک کار بشپړ شو.
ددې پروژې په ترڅ کې ۱۰ زره کاري ورځې رامنځ ته شوې وې او په بشپړتیا سره یې د نمک اب ولسوالۍ په ګډون، جوی شیخ، قلعه، چقل قشلاق پاین، چقل قشلاق بالا، حاجي ها، شاه بای ها، سر اسیاب، بابه خان پهلوان او تکه تیمز کلي له مرکز تالقان سره وتړل شول. د یاودنې وړ ده چې د بدخشان- کابل مسیر ګاډي به هم اوس پر دې لاره ځي.
