په تخار کې د لس ميليونه افغانیو په ارزښت د ۳،۸۶ کیلومتره سړک د جوړولو چارې پیل شوې
د کليو بیارغونې او پراختیا وزارت د کلیوالي لار جوړولو ملي پروګرام له لوري د تخار ولایت مرکز اړوند په ده باش تالقان کلي کې د ۱۰ ميليونه افغانیو په ارزښت د ۳،۸۶ کیلومتره سړک د جوړولو چارې پیل شوې.
په دې پروژه کې ۱۶ پلچکونه، ۵۴۰ متره استنادي دیوال او ۸۸۰ متره د ویالې جوړولو شامل دي، چې په کاري بهیر کې به ۲۵۳۶۲ کاري ورځې رامنځته شي.
دا یاد سړک چارې به په شپږو میاشتو کې بشپړې شې او ده باش بالا و پایین، عید بچه و قره ملا کلي به د تالقان ښار عمومي سړک سره ونښلوي او ۹۰۰ کورنۍ ترانسپورټي ستونزې به حل کړي.
