په بلخ کې د څه باندې ۴۹ میلیونه او ۸۰۰ زرو افغانیو په لګښت د ۱۱ ښوونځیو د جوړولو کار پیل شو
د کلیو د بیارغونې او پراختیا وزارت د ولسي تړون ملي پروګرام له لوري څه باندې د ۴۹ میلیونه او ۸۰۰ زرو افغانیو په لګښت د ۱۱ ښوونځیو د جوړولو کار د بلخ ولایت په شورتیپه ولسوالۍ کې پیل شو. یاد ښوونځي ۱۲، ۸ او ۶ ټولګي لري، چې له دې ډلې څخه ، ۶ ښوونځیو ته یې د نویو ودانیو جوړول او ۵ نورو ته د ملحقانو بشپړول شامل دي. د نوموړو ښوونځیو په بشپړیدو سره به د د دې ولسوالۍ په بیلابیلو کلیو کې، سلګونو ماشومانو ته د زده کړو ښه چاپیرل برابر شي.
