په بغلان کې د ۷ میلیونو افغانیو په ارزښت د دوو پرمختیايي پروژو کار روان دی
د کلیو بیا رغونې او پراختیا وزارت د ولسي تړون د پروګرام له لوري د بغلان ولایت دده صلاح ولسوالۍ د جر درې په در کلیو کې د ۷ میلیونه افغانیو په ارزښت د اوبو د بریښنا یوه وړه شبکه او د اوبو رسولو د یوې جاذبوي شبکې جوړولو کار روان دی. له دې پروژو د بریښنا پروژه ۲۸ کیلو واټه توربین او ۳۰۰ متره کانال لري د اوبو رسولو شبکه د ۲۰ متره مکعبه اوبو ظرفیت لري.
ددې پروژو په تطبیق سره به ۲۶۴ کورنۍ د څښاک صحي اوبو او بریښنا ته لاسرسی پیدا کړي.
یاده دې وي چې جر دره د اندراب په پای کې پرته ده چې د کلیو بیا رغونې او پراختیا وزارت ولسي تړون پروګرام تر خپل پوښښ لاندې راوستې.
