په بغلان کې د ۴ میلیونه افغانیو په ارزښت د اوبورسولو د شبکې کار بشپړ شو
د کلیو بیارغونې او پراختیا وزارت په کلیوالي سیمو کې د اوبو رسولو او حفظالصحې د پروګرام له لوري د بغلان ولایت د تالهوبرفک ولسوالۍ په «دشت نماز» کلي کې د ۴ میلیونه افغانیو په ارزښت د اوبورسولو د شبکې کار بشپړ اوګټې اخیستنې ته وسپارل شو.
د اوبو رسولو ددغې پروژې د تطبیق په پایله کې د «دشت نماز» کلي د اوسیدونکیو لپاره له هغې چینې څخه، چې له یاد شوي کلي څخه اووه کلیومتره واټن لري، د څښاک پاکې اوبه د (۸،۶) کلیومتره اوږدې شبکې پرمټ چمتو شوې.
ددغې پروژې د جوړولو چارو د ځايي خلکو لپاره سلګونه کاري ورځې رامنځته کړې او په بشپړېدو سره یې د څه باندې (۳۳۰) کورنیو لپاره د څښاک پاکې اوبه برابرې شوې.
