په بدخشان کې د کانال دوه پروژې بشپړې شوې
کلیو بیا رغونې او پراختیا وزارت د سیمه ییز پروګرام له لوري د بدخشان ولایت په مرکز پورې اړوندو سیمو کې د ۱۲ میلیونه افغانیو په ارزښت د اوبو لګولو د کانال دوه پروژې ګټې اخیستنې ته وسپارل شوې.
د دغو پروژو د تطبیق پر مهال چې له ملي بودیجې تمویل شوې ۶۰۳۹ کاري ورځې رامنځته شوي او د سیمې ۷۰۰۰ اوسیدونکي له دغو پروژو ګټه پورته کوي.
د یادونې وړ ده چې دغو پروژو د سیمې ۱۰۰۰ جریبه کرنیزه ځمکه او ګڼ شمیر باغونه د اوبو لګولو تر منظم پوښښ لاندې راوستي دي.
