په بدخشان کې د لمريزې برېښنا د توليد د یوې شبکې به جوړیدو سره به ۱۹۵ کورونه او ۲ جوماتونه روښانه شي
د کلیو د بیارغونې او پراختیا وزارت د ولسي تړون ملي پروګرام له لوري د بدخشان ولایت د شهربزرگ ولسوالۍ اړوند د پتاو پراختیایي شورا لخوا د ۸.۹ میلیونه افغانیو په ارزښت د ۲۳.۴۱۲ کیلو واټه لمريزې برېښنا د توليد د یوې شبکې د جوړیدو کار روان دی.
دغه شبکه چې جوړېږي، له امله به يې ۱۹۵ کورونه او ۲ جوماتونه روښانه شي. په دې شبکه کې ۱۴۰ تختې ۲۵۰ واټه سولري هیندارې او ۲۲۵ امپیره ۷۲ بطریو پر نصب سربیره ۴۱۴۰ متره تار غځیدلی دی.
ددې پروژې د جوړولو په ترڅ کې به تخنیکي او نا تخنیکي کاریګرو ته ۴۷۲ کاري ورځې رامنځته شي.
