په بامیانو ولایت کې د څښاک پاکو اوبو رسولو (۱۲) شبکو د جوړولو چارې پیل شوې
د کليو د بيارغونې او پراختيا وزارت له لوري د بامیانو ولایت په مرکز او يکاولنگ ولسوالۍ کې د شاوخوا (۳۷) میلیونه افغانیو په لګښت د څښاک پاکو اوبو رسولو (۱۲) شبکو د جوړولو چارې د دغه وزارت د محترم وزير الحاج ملا محمد یونس اخندزاده صاحب او مل پلاوي له خوا د يوې غونډې په ترڅ کې پيل شوې.
په دې غونډه کې د کليو د بيارغونې او پراختيا وزارت وزير الحاج ملا محمد یونس اخندزاده صاحب، مل پلاوي، د بامیانو ولایت والي الحاج مولوي عبدالله سرحدي ،د ياد ولايت د کليو د بيارغونې او پراختيا رياست رئيس مولوي وحيدالله راشد یو شمېر نور مسئولینو، علماء کرامو، سپینږیرو او ځوانانو ګډون کړی وو.
د يادو شبکو د کار په بهير کې به سلګونه تنه کاريګرو ته د کار زمينه برابره او په بشپړېدو سره به یې شاوخوا (۵۱۱۸) کسان د څښاک پاکو اوبو ته لاسرسی پيدا کړي.
