هېواد په ۱۳ ولایتونو کې د لمریزې برېښنا رسونې په موخه ۳۶۶۹۵۱ کورنۍ سروې شوې
د افغانستان د کلیو بیارغونې او پراختیا وزارت «د افغانستان د کلیو پراختیا لپاره د دوامداره انرژۍ پروګرام» سرحدي ولسوالیو ته د لمریزې برېښنا رسونې پروژې له لوري په ۱۳ ولایتونو «هرات، کندهار، هلمند، زابل، نیمروز، فراه ، خوست، پکتیا، پکتیکا، لوګر، ننګرهار، کونړ او نورستان» ولایتونو په ۵۵ ولسوالیو کې د ۳۶۶۹۵۱ کورینو د سروې چارې بشپړې شوې دي.
د یادونې وړ ده، چې سرحدي ولسوالیو ته د برېښنا روسونې پروژه د ۱۳ سرحدي ولایتونو په ۵۵ ولسوالیو کې ۵۳۱۰۲۲ کورنیو ته لمریزه برېښنا رسوي چې د یادو سیمو اوسیدونکو ژوند کې به مثبت بدلونه رامنځته شي، د دې ټولو کوورنیو د سروې له بشپړیدو وروسته به په یادو ولسوالیو کې کور په کور د لمریزې برېښنا د کڅوړو د وېش لړۍ پیل شي.
