د کنر په مروره ولسوالۍ کې ۱۵۰ کورنیو ته د څښلو پاکې اوبه برابرې شوې
د کلیو د بیارغونې او پرمختیا وزارت په کلیوالي سیمو کې د اوبو رسولو ملي پروګرام له لوري د کنړ ولایت د مرورې ولسوالۍ په «لاهورداګ» کلي کې د اوبو رسولو یوه لمریزه شبکه جوړه او د خلکو ګټې اخیستنې ته وسپارله. په دغه پروژه ۲۳ مېلیونه افغانۍ لګښت راغی چې په افغانستان کې د یونیسف د ادارې لخوا ورکړل شوې.
د اوبو رسولو ددغې پروژې د جوړولو په چارو کې د سېمې خلکو ته ۹۰ کاري ورځې ایجاد شوې او شاوخوا ۱۵۰ کورنیو ته یې د څښلو پاکې اوبه برابرې کړې.
