د کلیو د بیارغونې او پراختیا وزارت له لورې په بادغیس ولایت کې (۹) چیک ډیمونه جوړیږي
د کلیو د بیارغونې او پراختیا وزارت له لورې په بادغیس ولایت کې د څه باندې (٣٢)میلیونه افغانیو په لګښت په(٩) ولسوالیو کې (۹) چیک ډیمونه جوړیږي، چې له جملې څخه يې د (۴) چیک ډیمونو د جوړولو چارې نن د یو لړ مراسمو په ترڅ کې د کلیو د بیارغونې او پراختیا وزارت د سرپرست الحاج ملا محمد یونس اخندازاده او مل پلاوي له لورې عملا چاري پیل شوې.
په یاده غونډه کې د کلیو د بیارغونې او پراختیا وزارت سرپرست الحاج ملا محمد یونس اخندزاده، مل پلاوی، د یاد ولایت د والي مرستیال حاجي مولوي غلام محمد صاحب، د استخباراتو رئیس مولوی محمد عیسی سراج، د ولایت امنیه قومندان، بادغیس ولایت د کلیو د بیارغونې او پراختیا رئیس قاري روزي محمد منصور، د سیمې علماء کرامو، سپین ږیرو او ځوانانو ګډون کړی وو.
د یادو چیکډیمونو د کار په جریان کې به د سیمې سلګونه تنه کاریګرو ته د کار زمینه برابره شې او په جوړیدو سره به يې د نوموړو ولسوالیو د باران اوبه مهار او د ځمکې لاندې اوبو سطحه به برقراره وساتل شي.
