د کلیو د بیارغونې او پراختیا وزارت له لوري په کابل ولایت کې د اوبو رسولو یوه شبکه ګټې اخیستنې ته وسپارل شوه
د کلیو د بیارغونې او پراختیا وزارت د سرپرست وزیر الحاج ملا محمد یونس اخندزاده او مل پلاوي له لوري د کابل ولایت د خاکجبار ولسوالۍ په برملنګ کلي کې د (۴،۵) میلیونه افغانیو په لګښت د اوبو رسولو د یوې شبکې چارې بشپړې او نن د یوي غونډې په ترڅ کې د دياد وزارت د سرپرست وزیر له لوري ګټې اخیستنې ته وسپارل شوه.
د یادې شبکې په پرانیست غونډه کې د کلیو د بیارغونې او پراختیا سرپرست الحاج ملا محمد یونس اخندزاده، د کابل ولایت د کلیو د بیارغونې او پراختیا رئیس مولوي محمد یونس حنفي، د خاکجبار ولسوال او د نوموړې سیمې یو شمیر علماء کرامو، سپین ږیرو او اوسیدونکو ګډون کړي وو.
د غونډي په جریان کې محترم وزیر صاحب وینا وکړه او وویل: مونږ به د خاکجبار د خلګو د غوښتنو او ضرورتونو په اساس به خپل خدمات ترسره کوو
په یاده شبکه کې د (۶۷) مترو په عمق د یوې ژورې څاه کیندل، د (۲۰) متر مکعب په وړتیا د اوبو د یوې ذخیرې جوړول، د (۳۶) سولر تختو نښلول، د (۱۶۲) شیردهنونو نښلول او د (۵۳۶۱) مترو په اوږدوالي پایپ غځول شامل دي چې د یادې شبکې په بشپړیدو سره د نوموړي کلي (۲۲۸۷) کورنیو د څښاک پاکو اوبو ته لاسرسی پيدا کړ.
