د کلیو د بیارغونې او پراختیا وزارت سرپرست وزیر د بادغیس ولایت د قلعه نو د اوبو رسولو له شبکې څخه نظارت ترسره کړ
د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده او مل پلاوي د بادغیس ولایت د قلعه نو د اوبو رسولو له شبکې څخه نظارت ترسره کړ.
د بادغیس ولایت د قلعه نو د اوبو رسولو شبکه یوه حیاتي پروژه ده چې د کلیو د بیارغونې او پراختیا وزارت له خوا د (۳۲۶) میلیونه افغانیو په لګښت سره پلې کیږي.
په یاده شبکه کې د (۱۲۰) کیلومترو په اوږدوالي د پایپ غځول، د (۳۰۰۰) متر مکعب په وړتیا د پاکو اوبو د یوې لویې ذخیرې جوړول او (۶۴۰) ګیټ والونه شامل دي.
د نوموړې پروژې په بشپړیدو سره به د یاد ښار (۶۵) زره تنه اوسیدونکي په مستقیم ډول د څښاک پاکو اوبو ته لاسرسۍ پيدا کړي.
