د کلیو د بیارغونې او پراختیا وزارت د محترم وزير صاحب له لوري په کندهار ولايت کې څه د پاسه(۹۰) کيلومترو په اوږدوالي د يو جغلي سړک د رغولو چارې پيل شوې
د کليو د بيارغونې او پراختيا وزارت د محترم وزير الحاج ملا محمد يونس اخندزاده صاحب له لوري د کندهار ولايت په ښورابک ولسوالۍ کې څه د پاسه (۹۰) کيلومترو په اوږدوالي د يو جغلي سړک د رغولو چارې د څه باندې (۳۰۵) ميليونه افغانيو په لګښت د يوې غونډې په ترڅ کې پيل شوې.
په ياده غونډه کې د کليو د بيارغونې او پراختيا وزارت محترم وزير الحاج ملا محمد يونس اخندزاده صاحب،مل پلاوي ،د کندهار ولايت د کليو د بيارغونې او پراختيا رياست رئيس ملا دوست محمد اخند، د ښورابک ولسوالۍ ولسوال او یو شمېر نورو مسئولینو، علماء کرامو، سپین ږیرو او ځوانانو ګډون کړی وو.
په ياده غونډه کې محترم وزير صاحب وينا وکړه او وویل: موږ به خپل هيواد په خپله بوديجه جوړه وو خپل هيواد به د بل چا د احسان نه پوره وړی کوو او زياته يې کړه چې دا مهال په ټول هيواد کې د بيا رغونې کارونه روان دي .
د دغه سړک د کار په بهير کې به سلګونه تنه کاريګر ته د کار زمينه برابره او بشپړيدو سره به يې د نوموړي ولسوالۍ د اوسېدونکو ترانسپورتي ستونزې هوارې شي.
