د کلیو بیا رغونې او پراختیا وزارت د ښځو د ونډې د ډیریدو د تګلارې د پلي کیدا له امله د غوره ادارې جایزه وګټله
د ملکي خدمتونو په ادارو کې د ښځو د ونډې د ډیرولو د تګلارې د پلي کیدا په برخه کې د کلیو بیا رغونې او پراختیا وزارت د اداري اصلاحاتو او ملکي خدمتو د خپلواک کمیسیون له خوا د غوره ادارې د جایزې په اخستلو سره ولمانځل شو.
د ادارې اصلاحاتو په کمیسیون کې د ښځو د ورځې د لمانځنې په غونډه کې د یاد کمیسیون د رییس احمد نادر نادري، د تعیناتو د بورډ د عمومي رییس احمد فهیم توخي او د ۶۳ وزارتونو او خپلواکو ادارو د بشري سرچینو د رییسانو په حضور کې د کلیو بیا رغونې او پراختیا وزارت د بشري سرچینو ریاست ته د ښځو لپاره د سالم او خوندي چاپیریال د رامنځ ته کولو او په اداره کې د ښځو د حضور د کچې لوړولو له امله دا جایزه ورکړل شوه.
د کلیو بیا رغونې او پراختیا وزارت مشرتابه د بشري سرچینو دا پرلپسې بریا وستایله او د دې ریاست د ټیم یو، یو غړي لپاره یې د لا بریا او د خدمت هیله وکړه.
