د کلیوالي اقتصاد د پیاوړتیا پروګرام د ښه تطبیق په موخه د همکارو ادارو له غړیو سره ناسته ترسره شوه
د کلیو بیارغونې او پراختیا وزارت د کلیوالي اقتصاد د پياوړتیا پروګرام په سیمه ییزه کچه د پلي کېدا په موخه له همکارو موسسو سره د دې پروګرام د کنفرانسونو په تالار کې غونډه درلوده، په دې غونډه کې د کلیوالي اقتصاد د پیاوړتیا پروګرام مشرتابه او د څانګو مسوولینو د همکارو موسسو له استازیو سره د پروګرام د ښه تطبیق په موخه بحث او نظرونه تبادله کړل. په ناسته کې د کلیوالي اقتصاد د پیاوړتیا پروګرام اجرايوي رییس ښاغلي رحمتالله قریشي د پروګرام په اړه عمومي مالومات وړاندې کړل او د پروګرام د ښه تطبیق په اړه يې له تېرو درسونو او زدهکړو څخه د یادونې تر څنګ یو لړ سپارښتنې له ګډونوالو سره شریکې کړې. د همکارو ادارو له لوري د پروګرام د ښه پليکېدا په موخه ورته بحثونه د ستاینې وړ وبلل شول او خوښي يې څرګنده کړه، چې د پروګرام د مشرتابه او اړونده مسوولینو مشورې او سلاوې به له دوی سره د پروګرام په ښه تطبیق او اهدافو لاستهراوړلو کې اغېزمنې تمامې شي. د یادولو وړ ده، چې د کلیو بیارغونې او پراختیا وزارت د کلیوالي اقتصاد د پياوړتیا پروګرام د هېواد په ۱۱ ولایتونو کې د کلیو بیارغونې او پراختیا وزارت له لوري مستقیماً پلی کېږي او په ۲۳ ولایتونو کې د همکارو ادارو/موسساتو له لوري تطبیقېږي.
