د کلیوالي اقتصاد د پیاوړتیا ملي پروګرام خپلو همکارو موسسو استازو ته د اطلاعاتو د مدیریت سیستم تر نامه لاندې یوه ورځنۍ روزنه ورکړل شوه
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام له لوري د خپلو همکارو موسسو استازو ته د پروګرام د ښه تطبیق په موخه د اطلاعاتو د مدیریت سیستم تر نامه لاندې یوه ورځنۍ روزنه، د پروګرام په مرکزي دفتر کې ورکړل شوه.
په دې روزنه کې د پروګرام اجرایوي ریسې آغلې لطیفه مجیدي د یادو بنسټونو په هر اړخیزو مرستو ټینګار وکړ او د پروګرام د مدیریت په برخه کې یې د دې څانګې د ارزښت په اړه، همکارو موسسو استازو ته وینا وکړه.
د روزنې برخوال، چې شمېر یې ۱۲ تنو ته رسېده، پخپلو سیمو کې د فعالیتونو په اړه په عمومي او د اطلاعاتو د مدیریت سیستم پر مخوړلو برخه کې معلومات وړاندې کړل. او په دې سیستم کې یې د خپلو تجربو د شریکولو او لیوالتیاو څرګندونه وکړه.
د اطلاعاتو د مدیریت عمومي سیستم، د اطلاعاتو د را ټولولو مودلونه، د اطلاعاتو شننه او تحلیل او په سیستم کې د اطلاعاتو ثبت او راجستر، هغه اساسي موضوعات وو، چې د غونډې برخوالو ته یې په اړه روزنه ورکړل شوه.
