د کلیوالي اقتصاد د ملي پروګرام د پروژو د مقدماتي سروې ښوونیز ورکشاپ پیل شو

(( د کلیوالي اقتصاد د پرمختیا د ملي پروګرام- WEER-DP مقدماتي سروې(( ورکشاپ د افغانستان د کلیو د پرمختیا د انسټيټيوټ له لوري د یاد انسټيټیوټ د اجرايي رییس توریالي طنین په حضورکې د ۴۰ تنو سروې کوونکو لپاره جوړ شو.

د ښاغلي طنین په وینا دا سروې د تګلارو بنسټ جوړوي او سروې کوونکي باید د شمیرو راټولولو او د هغو د تطبیق پر مهال له پوره دقته کار واخلي.

باید ووایو چې یاده سروې د پروژو د تطبیق په موخه د کورنیو او د کلیوالي پرمختیايي شوراګانو په کچه د کورنیو د سپما، د پور د ورکړې د سیستم، د کورنیو د اقتصادي فعالیتونو، اقتصادي پریکړو او د کلیو د شوراګانو د حالت د ارزولو په موخه د بدخشان، تخار، بامیان، پروان او خوست ولایتونو په ۵ ولسوالیو کې تر سره کیږي.