د کليو بيارغونې او پراختيا وزير پوهندوي مجيب الرحمن کريمي په افغانستان کې د ملګري ملتونو پرمختيايي پروګرام ( UNDP) له نوي مشر سره تعارفي ليدنه وکړه
د کليو بيارغونې او پراختيا وزير پوهندوي مجيب الرحمن کريمي د ملګرو ملتونو پرمختيايي پروګرام له نوي مشر سره د خپل کاري په دفتر کې تعارفي ليدنه وکړه .
د ليدنې په پيل کې د کليو بيارغونې او پراختيا وزير د ملګرو ملتونو د پرمختيايي پروګرام له بشردوستانه مرستو مننه وکړه، چې د هېوادوالو په ژوند يې مثبت تاثير لرلي دي، ورپسې يې د کرنيزو ځمکو د اوبو کولو، د برېښنا برابرولو او د ليټاکا پروګرام نورو ولايتونو ته د غځولو غوښتنې د ملګرو ملتونو د پرمختيايي پرورګرام په افغانستان کې له مشر سره شريکې کړې.
د ملګرو ملتونو د پرمختيايي پروګرام په افغانستان کې نوي مشر عبدالله الدرداري د کليو بيارغونې او پراختيا وزارت لخوا په ښه ډول د پروژو د پلي کولو او ښې همغږي څخه مننه وکړه او زياته کړه، چې د افغانستان په نورو ولايتونو کې د ليټاکا پروګرام د پيل، د لويو پروژو د پلي کولو، له خصوصي سکټور او بهرنيانو د پانګې جذبولو په برخه کې به هڅې وکړي، چې د افغانانو لپاره د ژوند لومړنيو اسانتياوو د برابرولو، توليداتو ته يې د بازار موندنې او کاري فرصتونو د برابرولو په برخه کې به اغېزمنې وي.
