د هیواد په دریو ولایتونو کې د سپما کلیوالي اتحاديې تاسیس شوې
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام له لوري په دې وروستیو د هیواد په دریو ولایتونو کې د سپما کلیوالي اتحادیې جوړې کړې دي، چې د جوزجان ولایت مرکز اړوند له ۵۲ سپما ګروپونو څخه د پور او سپما څلور اتحادیې، د ارزګان ولایت په ترینکوټ ولسوالۍ کې له ۲۷ سپما ګروپونو څخه د پور او سپما دوه اتحادیې او د سمنګان ولایت د ایبک ښار اړوند له ۶۵ کلیوالي شوراګانو د خوځښت او تحرک په نتیجه کې د کلیوالي اقتصاد د پیاوړتیا ملي پروګرام د سپما ۱۰۶ ګروپونه جوړ کړي، چې اکثره یې د کلیوالو مېرمنو دي.
