د فاریاب په ۶ ولسوالیو کې د کرونا پر اړه د پوهاوي کمپاین تر سره شو
د کلیو بیا رغونې او پراختیا وزارت د ولسي تړون پروګرام له خوا د فاریاب د میمنې، اندخوی، قرغان، خان چهار باغ، قرمقول او بلچراغ ولسوالیو وسیدونکو ته د کرونا رنځ د مخنیوي پر اړه پوهاوی ورکړل شو.
ددې کمپاین په ترڅ کې د ولسي تړون پروګرام کارکوونکو د عامې روغتیا بنسټیز پیغامونه چې د کرونا د وقایې په اړه وو د شورا د ۹۵ کلسترونو له خوا په جلا، جلا ډول ښځو او نارینه وو ته ورسول شول، له هغوی وغوښتل شول چې ملا امامان تر لمونځونو مخکې او وروسته دغه پیغامونه د خپلو شوراګانو کلسترونو ته ورسوي چې د کرونا کویډ- ۱۹ مخه ونیول شي.
