د بلخ ولایت په یوه لېرې پراته کلي کې د ۲۲۰ کورنیو لپاره د څښاک پاکې اوبه برابرې شوې
د د اوبو دغه پروژه، چې لګښت یې یونیسف ادارې ورکړ، د کلیو د بیارغونې او پراختیا وزارت په کلیوالي سیمو کې د اوبو رسولو او حفظ الصحې د پروګرام له لوري تطبیق شوه.
پروژه د ۴میلیونه او ۲۴۳زره افغانیو په لګښت چې د ټولنې لس سلنه ونډه هم په کې شامل ده، د بلخ ولایت د کشندې ولسوالۍ په یورت غایب کلي کې د څښلو د اوبو یوه لمریزه شبکه جوړه او د خلکو ګټنې ته وسپارل شوه.
د اوبو رسولو په دغه پروژه کې د یوې ۱۳۰ متره ژورې څاه کیندل، د ۲،۲۲۰ مترو په اوږدوالي د پایپونو د شبکې غځول، د ۴۰ تختو سولرونو او په کورونو کې د ۹۵ نلبندانونو نصبول شامل وو.
د یادې شوې پروژې د جوړولو چارو د ځايي خلکو لپاره شاوخوا ۱۵،۰۰۰ کاري ورځې ایجاد کړې او د پروژې په تکمیلیدو سره د شاوخوا ۲۲۰ کورنیو لپاره د څښلو پاکې اوبه برابرې شوې.
