د «چهار شنبه علمي» نهم سیمینار د کلیو پراختیا لپاره د ښوونې ځیرک سیستم ورپیژندل، تر سرلیک لاندې تر سره شو
د کلیو بیا رغونې او پراختیا انسټیټیوټ له خوا د «چهار شنبه علمي» نهم سیمینار د کلیو پراختیا لپاره د ښوونې ځیرک سیستم ورپیژندل، تر سرلیک لاندې د انلاین زده کړو د بنسټ «ن» د پراختیا د مدیر انجینیرمحمد حامد او د بنسټ د تخنیکي مسوول عبدالسلام فایق په ویناوو ۶۰ تنو مرکزي کارکوونکو او د وزارت ولایتي کارکوونکو ته په انلاین بڼه تر سره شو.
انجینیر محمد حامد او ښاغلي عبدالسلام فایق د یوه پریزینټیشن په مټ د کلیو پراختیا لپاره د ښوونې ځیرک سیستم ته کتنه وکړه او ویې ویل « په داسې حال کې چې با کیفیته ښوونه د ټولو په واک نشته، د اړتیاوو پر بنسټ د ښوونې د یوه مدرن سیستم رامنځ ته کول، د ښوونې له لارې خنډونه لرې کول او با کیفیته او معیاري ښوونې ته عادلانه او مساوي لاسرسی د د کلیو پراختیا لپاره د ښوونې د ځیرک سیستم رامنځ ته کولو له مهیمو اهدافو دي»
په پای کې د سیمینار پر مخ بیونکو ته د هغوی د همکارۍ له کبله د وزارت د مشرتابه لخوا د مننې لوحه ډالۍ شوه.
