د۱۷ ولایتونو لپاره د څه باندې۴۱۳ میلیونه افغانیو په ارزښت د ۵۷ پرمختیایي پروژو د هوکړه لیک لاسلیک

د کلیو بیارغونې او پراختیا وزیر پوهندوی مجیب الرحمن کریمي د سه شنبې په ورځ (۳ چنګاښ) له اړوندو پرمختیایي شوراګانو سره د څه باندې ۴۱۳ میلیونه افغانیو په ارزښت د ۵۷ پر مختیایي پروژ و هوکړه لیک لاسلیک کړ.ښاغلي کریمي په هغه غونډه کې چې په همدې موخه جوړه شوې وه وویل:
دا پروژې به د هیواد په ۱۷ ولایتونو کې چې بدخشان، بادغیس، بغلان، بلخ، کابل،غزنی، کندهار، خوست، کونړ، کندز، لوګر، پکتیا،پنجشیر،پروان، سرپل، سمنګان او تخار دي پلې او ۱۰۲ زره کاري ورځې به را منځته کړي.
د کلیو بیا رغونې او پراختیا وزیر  په وینا په دې پروژو کې ۸ داوبو لګولو کانالونه،۱۷ محافظوي دیوالونه،۱۱ ګبیون ډوله دیوالونه،د دویمې درجې دیو سړک جوړول،د ۵ کاریزونو جوړول،د پلونو او پلچکونو ۴ پروژې د یوه استنادي دیوال جوړول، د کانکریټي سړکونو دجوړولو ۴ پروژې، دسولري پمپ یوه پروژه، د بولډروالونو ۴ پروژې او د اوبو دیوې زیرمې جوړول شامل دي، چې د هیواد ۱۳۲ زره کلیوال به ترې ګټه پورته کړي.
ددې پروژو له ډلې ۴۲ پروژې له ملي بودیجې ، ۱۴ نورې یې د نړیوال پرمختیایي صندوق او یوه یې د هندوستان هیواد له لوري تمویل شوي دي.
د یادولو وړ ده چې یادې پروژې به د کلیو بیارغونې اوپراختیا وزارت د سیمه یزو پروګرامونو دهمغږۍ د دفتر تر سیوري لاندې تنظیم او د پرمختیایي شوراګانو له لوري تطبیق شي.