تیره اونۍ ۳ ښوونځي جوړ شول او د هیواد په ۴ ولایتونو کې د۴ هغو د جوړیدو کار روان دی
د کلیو بیارغونې او پراختیا وزارت د ولسي تړون پروګرام اقرا پروژې تر سیوري لاندې د بادغیس ولایت په ابکمري، د هرات ولایت په کرخ او دکندز ولایت په خان اباد ولسوالیو کې درې ښوونځي بشپړ شول.او دنورو ۴ هغو دجوړیدو چارې به ډیر ژر د کندهار ولایت په سپین بولدک، دزابل ولایت په شاه جوی، دنورستان ولایت په کامدیش او د خوست ولایت په تڼیو ولسوالیو کې بشپړې او ګټې اخستنې ته وسپارل شي.
دا ښوونځي ۱۰، ۸، یا ۶ ټولګي، تشنابونه او د څښاک د اوبو څاه ګانې لري او دجوړیدو پر مهال یې تخنیکي او غیر تخنیکي کارکوونکو ته ۱۳ زره کاري ورځې رامنځته شوي دي.
بشپړو شویو ښوونځیو ۱۰۳۴ زده کوونکیو ته دزده کړې وړ چاپیریال رامنځته کړی او له جوړیدونکو ښوونځیو څخه به ۱۰۴۰ زده کوونکي ګټه پورته کړي.
