په هرات کې د ۸۹ ښوونځیو کار بشپړ شو
د کلیوبیارغونې اوپراختیا وزارت د ولسي تړون ملي پروګرام اقرا پروژې تر سیوري لاندې د هرات ولایت په بیلابیلو ولسوالیو کې د ۸۹ ښونځیو د جوړیدو چارې پای ته ورسیدې، او د زرګونو زده کونکو لپاره یې د زده کړې مناسب چاپیریال رامنځته کړ.
دې ښوونځیو د زده کوونکو ډیری ستونزې هوارې کړي دي، لکه د هرات ولایت د غوریان ولسوالۍ د پشت حصار شرقي پرمختیایي شورا رییس محمد نادرچې وایي: «ددې کلي زده کوونکو شپږ کاله په نامناسبه فضا کې زده کړې کولې، چې ددې ښوونځي په جوړیدو مو داستونزه هواره شوې ده.»
باید ووایو چې په پام کې ده چې د هرات ولایت په ۱۹ولسوالیو کې د اقرا پروژې له لورې ۲۰۶ ښوونځي جوړیږي ، چې له دې ډلې ۸۹ ښوونځي جوړ شوي، په ۶۲ کار روان دی او ۵۵ نور د ډیزاین او نقشې په پړاو کې دي.
