د هیواد په ۴ ولایتونو کې به د ۷ ښوونځیو جوړولو کار ډیر ژر بشپړ شي
د کلیو بیا رغونې او پراختیا وزارت د ولسي تړون ملي پروګرام د اقرا پروژې تر سیوري لاندې په کندز، ننګرهار، بلخ او بادغیس ولایتونو کې به دا ښوونځي ژر جوړ او ګټې اخیستنې ته وسپارل شي.
دا ښوونځي د کندز په خان اباد او دشت ارچي د ننګرهار په چپرهار د بادغیس په ابکمري او د بلخ په دهدادي ولسوالیو کې جوړیږي چې ۱۲، ۸ یا ۶ ټولګي، د څښاک د اوبو څاګانې او تشنابونه به ولري. ددې پروژو په ترڅ کې تخنیکي او نا تخنیکي کارګرو ته زرګونه کاري ورځې رامنځ ته شوي.
د دې ښوونځیو په بشپړتیا سره به د څه باندې ۲۰۰۰ کورنیو زده کوونکو ته د زده کړو وړ چاپیریال رامنځ ته شي.
