په ارزګان کې د ۲۸ میلونو افغانیو په ارزښت د څلورو ښوونځيو ودانیزې چارې پیل شوې

د کلیو بیا رغونې او پرمختیا وزارت د ولسي تړون ملي پروګروام د اقرا برخې تر چتر لاندې د ارزګان ولایت د ګیزاب ولسوالۍ په جوی برو، قزلباش او میان دشت کلیو کې د څلورو ابتدایه ښوونځیو د ودانیزو چارو پیل وشو.
له دې ټولګې به یو ښوونځی په ۸۰۰۰ متر مربع ځمکه کې جوړیږي چې ۱۲ ټولګي به ولري، دویم ښوونځی به په ۶۰۰۰ متر مربع ځمکه کې جوړیږي چې ۸ ټولګي به ولري. او دوه نور ښوونځي به شپږ، شپږ ښوونځي ولري او هر یو به یې په ۱۰۰۰۰ متر مربع ځمکه کې جوړ شي، ددیو پروژو په پلي کولو سره به فني او نافني کارګرو ته ۱۱ زره کاري ورځې رامنځ ته شي. ددغو ښوونځيو د ودانیزو چارو په بشپړتیا سره به ۱۱۰۰ زده کونکو ته د زده کړو وړ چاپیریال رامنځ ته شي.