په هلمند ولایت کې د اوبو رسولو د (۲۵) ژورو څاه ګانو او لاسي پمپونو د ترمیم پروژه ګټې اخیستنې ته وسپارل شوه
د کلیو د بیارغونې او پراختیا ریاست تر چتر لاندې، د کپو(CAHPO) مؤسسې په تخنیکي همکارۍ او د(UNOCHA/AHF ) موسسې په مالي ملاتړ د هلمند ولایت د بست (ښاروالي) په بیلابیلو کلیو کې د (۵) حلقو او په مارجې ولسوالۍ کې د (۲۰) حلقو پخواني غیر فعاله ژورو څاه ګانو او لاسي پمپونو د ترمیم او بیارغونې د پروژې چارې د (۱۶۲۵۰۰۰) افغانیو په لګښت بشپړې او ګټې اخیستنې ته وسپارل شوه. د یادو څاګانو او لاسي پمپونو د ترمیم او بشپړیدو سره (۶۰۴) کورنیو د څښاک پاکو اوبو ته لاسرسی پیدا کړ.
