د میدان وردګو ولایت په سیداباد ولسوالۍ کې د اوبو رسولو یوه شبکه ګټې اخیستنې ته وسپارل شوه
د کلیو د بیارغونې او پراختیا ریاست تر چتر لاندې، د سویډن کمېټې په تخنیکي همکارۍ او د فنډرایزېنګ بنسټ په مالي مرسته د میدان وردګو ولایت د سیداباد ولسوالۍ د سترې آبدرې سیمې په کاکا چینه کلي کې د ٢.٢ میلیونو افغانیو په ارزښت د اوبو رسولو د یوې شبکې چارې بشپړې او ګټې اخیستنې ته وسپارل شوه. ياده شبکه د ٢٠ متر مکعب اوبو په ظرفیت سره د ٦ میاشتو په لړ کې پلې شوه او د سیمې ګڼ شمېر فني او غیر فني کارکوونکو ته د کار زمینه هم برابره شوې وه چې په بشپړیدو سره يې د یاد کلي ٦٦ کورنیو ته د څښاک پاکې اوبه برابرې شوې.
