د ا.ا.ا د کلیو د بیارغونې او پراختیا وزارت له سرپرست سره په افغانستان کې د افغان ایډ دفتر مسؤل او ورسره مل پلاوي په خپل کاري دفتر کې وکتل
د افغان ایډ دفتر مسؤل ښاغلي چارليس ډيوې د کليو د بيارغونې او پراختيا وزارت له سرپرست وزير الحاج ملا محمد يونس اخندزاده سره وکتل ښاغلي چارليس ډيوې د خپلو خبرو په پيل وويل چي اوس په افغانستان کې ډاډ من امنيت راغلی او خوښي وښوده او زياته يي کړه چي مونږ په افغانستان کې د څلويښتو کالو راهيسي بشري او پرمختيايې پروژي عملي کوو چي يادي پروژي لنډمهاله او اوږد مهاله پروژي دي او هم داراز مونږ غواړو چي په افغانستان کې بنسټيزې پروژي پلي کړو
ورپسي د کليو بیارغونې او پراختیا وزارت سرپرست په افغانستان کې د افغان ايډ مرستندویه دفتر له فعالیتونو څخه د مننه وکړه او وويل چي د افغان ايډ دفتر کارونه د ستاينې وړدي مونږ ستاسو د دوام داره مرستو قدردانې کوو او هم داراز وزير صاحب زياته کړه چي يوازي بشري مرستې د افغانانو درد نشې دوا کولی تاسو بايد د بشري مرستو تر څنګ بنسټيز کارونه وکړئ او په پای کې د کلیو د بیارغونې او پراختیا وزارت سرپرست د افغان ایډ د دفتر له مسؤل سره د افغانستان د اسلامي امارت د پالیسۍ له مخې د هر ډول همکارۍ ژمنه وکړه.
او په اخير کې ښاغلي چارليس ډيوې د مننې ترڅنګ ژمنه وکړه چې ددغه وزارت سره به خپلو همکاریو ته دوام ورکوې.
