د کلیو د بیارغونې او پراختیا وزارت کې د روزنیز ورکشاپ څخه د ۲۰ تنه نويو ګمارل شویو کارکوونکو فراغت
د کلیو د بیارغونې او پراختیا وزارت ۲۰ تنه نوي ګمارل شوي کارکوونکي د اداري مراسلاتو روزنیز ورکشاپ څخه چې د یاد وزارت د کلیو پراختیا انسټیټوټ له خوا د دوو اونیو لپاره دایر شوی و، فارغ شول او نن د یوې غونډې په ترڅ کې خپلي تصدیق نامې ترلاسه کړلي.
په یاده غونډه کې د کلیو د بیارغونې او پراختیا وزارت د کلیو د ودانیزو چارو معین مفتي سید احمد مستقیم، د اطلاعاتو او عامه پوهاوي رئیس او د وزارت ویاند ملا نورالهادي عادل، د اوبو رسولو او روغتیا ساتنې پروګرام رئیس مولوي بخت منیر، یو شمیر مرکزي او ولایتي رئیسانو او د وزارت کارکوونکو ګډون کړي وو.
د کلیو د بیارغونې او پراختیا وزارت د کلیو د ودانیزو چارو معین مفتي سید احمد مستقیم د فارغ شویو کارکوونکو د تشویق او ستاینې ترڅنګ ژمنه وکړه چې په راتلونکې کې به د کارکوونکو د ظرفیت د لوړولو لپاره لنډمهاله روزنیز پروګرامونه دایروي.
په پای کې د کلیو د بیارغونې او پراختیا وزارت د انسټیټوټ رئیس مولوي خيال محمد عاصم میلمنو ته د ښه راغلاست ترڅنګ وویل چې ډیر ژر به د وزارت کارکوونکو ته د ادارې په برخه کې روزنیز پروګرامونه دایر کړي.
دغه غونډه د تصدیق نامو په ویش او په دوعا کولو سره پای ته ورسېده.
